Este libro reúne nove relatos que presentan un minucioso catálogo de actitudes e emocións humanas. Arrinca cuns científicos pioneiros no campo da intelixencia artificial na Alemaña comunista, coa Stasi e os remorsos de fondo, e seguen outras historias: a do home que asiste impasible á evolución do romance dunha moza veciña á que deu clases cando era nena, intuíndo que non pode acabar ben; a do fillo que descobre o verdadeiro rostro da súa nai durante unhas vacacións de verán nunha illa e deste xeito tamén se descobre a si mesmo; a do profesor de música que ten un encontro casual cunha muller da que estivo namorado, do que emerxe un secreto e seica a posibilidade de volver ao pasado; a do padrasto que se enfronta ao desexo da súa filla lesbiana de ter descendencia; a do home que debe asimilar a morte do seu irmán, que foi para el case un descoñecido...