Unha parella constrúe durante anos unha intensa relación, paralela á vida que cada un leva no seu país, reuníndose en distintas cidades do mundo e mantendo unha obsesiva comunicación escrita e telefónica. A protagonista é unha escritora que vive en Londres e que se separou hai un tempo tras a morte do seu fillo. Ao coñecer a F., un avogado chileno atractivo e presuntuoso, espértaselle o desexo de forma inmediata e voraz e rehabilítase no agarimo, a confianza e a capacidade de gozar. Pero os desencantos están lonxe de acabarse.