Nos anos sesenta do pasado século, Birgit fuxiu por amor e ansias de liberdade de Berlín Este para reunirse no Oeste con Kaspar. Agora, tras o falecemento de Birgit, Kaspar descobre que a súa esposa pagou un prezo por esa decisión. Deixou atrás ao seu bebé, unha nena, cuxa existencia lle ocultou toda a vida. Kaspar, que ten unha librería en Berlín, decide partir cara á antiga Alemaña do Leste en busca desa nena que xa é unha muller.
Así, emprende unha viaxe ao pasado e ao presente de Alemaña, e cando por fin dá con Svenja, a filla perdida, descobre que vive nunha comunidade rural, está casada cun neonazi e ten unha filla, Sigrun. Kaspar querería ver nelas unha nova familia, pero todo un universo ideolóxico sepáraos, a pesar do cal tratará de achegarse a quen considera a súa neta e darlle unha visión diferente do mundo…