Así é que este libro é un mapa ou un artificio, un amante precioso que descansa nas tabernas e nas camas dominicais porque morrer é arrincar o peso das cousas e os corpos buscar cómplices para ser máis desenfadados. Nesta cidade escondida, para saber amar hai que saber fusionar. Deste xeito aprendemos os fondos para andar polas rúas con certa posibilidade de morte. O sexo non significa nada se vivimos para sempre, nada de afecto, nada de libros que non lemos. É necesario saber morrer todos os días.