Premio García Barros 2018

Mona Otero é unha muller loitadora e soñadora que persegue con ansia, e mesmo con desesperación, a súa meta de triunfar no mundo da arte. A protagonista, sancionada coa perda do carné de conducir, non pode dispoñer de coche propio, polo que depende doutras persoas para despazarse. Toda a historia que se narra en As ramonas emana do interior de sucesivos vehículos desde o que a protagonista nos vai amosando un rosario de factores que delimitan a súa existencia: a competititvidade, a autoestima, os odios, a pobreza, a familia, o abandono, as apariencias, a falsidade do éxito, a dignidade. Mais Mona Otero é só un fío do nobelo no se vai xuntando con outras ramonas -unhas veces complementarias, outras opostas- e a partir do cal van formando un complexo mundo de mulleres. A novela de Ana Cabaleiro é, ademais, o retrato dunha sociedade rural en mutación, cun pé asentado na tradición e nos lazos familiares e co outro alandando cara á globalización

1º-2º BAC