Nun edificio do barrio da Latina, no centro de Madrid, conflúen as vidas de tres mulleres. O pequeno piso interior da cuarta planta é a casa de Oliva. Está atrapada nunha perigosa relación que transformou a paixón do inicio nunha gaiola. No terceiro piso, luminoso e exterior, pasa Damaris os días coidando os fillos dos seus patróns. Cada noite regresa á súa casa cruzando o río que divide social e economicamente a cidade. Veu a España buscando un futuro mellor cando un terremoto en Colombia truncou a súa vida. O mesmo futuro que buscaba Horía, a muller marroquí que chegou a Huelva para traballar como temporera nos campos de amorodos e agora vive na minúscula casa da portería e limpa, na sombra, as escaleiras e o patio.