O señor e a señora Pounds contrataron a Winifred Notty para que cumpra o rol da perfecta institutriz victoriana: dará clases aos seus pupilos (francés e costura a Drusilla e álxebra e historia ao pequeno Andrew) e contaralles contos antes de durmir. Pero Ensor House e os seus habitantes ocultan máis perversións e secretos que a perturbada señorita Notty, capaz de converter un té con elegantes convidados e bebés no salón nun acontecemento macabro. Que pasou na súa vida para que unha fría mañá de Nadal todas as pezas do pasado e o presente encaixen e un final oposto ao dun conto de fadas estremézanos como un agasallo sanguento?