Desde un punto de vista cronolóxico, os temas de Mirabilia abarcan desde a vida de Santiago en Palestina e o seu mítico enterramento en Galicia ata a actualidade: lendas, mitoloxía local, citas e referencias bibliográficas, haxiografías, virxes, aparicións, demos, estatísticas peregrinas, milagres e portentos, pantasmas, historias de terror e sobrenaturais, guerras, combates, feitos de armas e cabaleirescos, viaxes, aventuras picarescas, delitos e crimes, noticias curiosas e datos extravagantes relacionados con artistas, escritores, arquitectos, músicos, libros, edificios, cruceiros, estatuas, personaxes famosos, reis e príncipes; toponimia, cidades e pobos, a paisaxe, a orografía, a flora e a fauna, o clima e a gastronomía.